Raad: Hoe om Wiskunde te bemeester

 

Stanford Online bied tans ’n gratis aanlyn kursus vir leerders aan met die naam “How to Learn Math: For Students”. Alhoewel die kursus in Engels aangebied word, glo ek dat die meeste van JF se leerders baat kan vind daarby. Die kursus het die formaat van ’n klompie video’s wat hulle moet kyk en ’n paar vrae wat beantwoord moet word.

In die kursus word leerders nie enige spesifieke Wiskunde onderwerp geleer nie, maar eerder baie waardevolle inligting gegee oor hoe om die vak te benader met die regte ingesteldheid. Dit kan ’n reuse verskil maak in hulle vordering en sukses met Wiskunde of enige ander onderwerp wat hulle wil bemeester.

Die kursus sal beskikbaar wees om te volg tot en met 15 Desember 2014.

670px-Study-for-a-Math-Exam-Step-3

Voorbeeld Vraestelle en Memo’s vir Gr.11 2013

Voorbeeld Vraestelle en Memo’s vir Gr.11 2013 vir ’n verskeidenheid vakke kan afgelaai word vanaf die Departement van Onderwys se webblad. Kliek hier om na die regte webblad te beweeg…

Leerders kan gerus die vraestelle deurwerk as deel van hul voorbereiding vir die jaareind eksamen wat om die draai is. Dit sal aan hulle ’n redelike idee gee van wat hulle kan verwag.

Sterkte met die voorbereiding :-)

studyquotes

 

 

CAMI Remediëring

Ons het vroeër in die jaar tegniese probleme ondervind met die CAMI Wiskunde program in die rekenaarsentrum. Hierdie tegniese probleme is egter nou uitgestryk. Boonop is Juf. Renschie Heinemann baie entoesiasties om spesifiek die leerders wat baie sukkel om Wiskunde te slaag te help m.b.v. CAMI. Sy is elke middag van die week van 13:45 tot 14:45 beskikbaar in die rekenaarlokaal om leerders te help met Wiskunde. Haar skedule is as volg:

  • Maandae – Wiskundige Geletterdheid (alle grade)
  • Dinsdae – Gr.8
  • Woensdae – Gr.9
  • Donderdae – Gr.10 en 11

Ons hoop dat die leerders gebruik sal maak van hierdie geleentheid.

 

Leerders dring deur na 3de rondte!

Baie geluk aan die vier leerders van JF wat na afloop van die 2de rondte van die Harmony SA Wiskunde Olimpiade, deurgedring het na die 3de rondte.  Dit is ’n merkwaardige prestasie in die lig daarvan dat slegs die beste 100 deelnemers in die land na hierdie finale rondte deurdring.  Die leerders is:

  • De Wet, JM (Jannie)
  • Linde, JDW (Jan de Wet)
  • Meyer, JM (Josiah)
  • Van Rhijn, MS (Thinus)

Om die volledige, amptelike lys van deelnemers te sien, kliek hier.

Ons is trots op julle!

Stokmannetjie animasie met Pivot Animator

As julle dalk al verveeld raak met die vakansie is hier iets oulik vir julle om te probeer. Jy kan self animasies maak soos die een hier onder en dit is nie eers moeilik nie :)

dominos

Stap 1: Klik hier om die Pivot Animation program af te laai op die Internet en installeer dit op jou rekenaar.

Stap 2: Gaan na Pivot Animator se webblad vir help en instruksies om jou aan die gang te kry.

Stap 3: Kyk na die voorbeelde wat ingesluit is in die program: File, Open Animation, kies een bv. walking.piv,  Play.

As jy ‘n animasie gemaak het kan jy dit ook stoor (save) as ‘n .piv om later verder te werk, of as ‘n .giv. Die .giv kan oopgemaak word in jou browser of in PowerPoint en dan kan jy by jou maats spog met die oulike animasie wat jy gemaak het. Onthou jy kan ook ‘n agtergrond kies.

Vra gerus as jy hulp nodig het.

Faktorisering van getalle

Op skool leer ons hoe om ‘n getal te skryf as ’n produk van sy priemfaktore. Ons doen dit gewoonlik m.b.v. ’n faktor-leer of ’n boomdiagram:

24faktorboom

Dus is 24 = 3 × 2 × 2 × 2

Belangrike begrippe wat hier ter sprake is is: faktor, priemgetal, priemfaktor, produk.

As jy ’n getal skryf as ’n produk van sy faktore, dan het jy die getal gefaktoriseer. Kyk nou na die oulike visuele voorstelling van die faktorisering van 24.

24Klik hier om na ’n webblad te beweeg waar al die natuurlike getalle op soortgelyke wyse geïllustreer word d.m.v. animasie. Dit is ‘n moet om te sien.  Die annimasie is geskep deur Data Pointed en jy kan meer daaroor lees op hulle blog.

‘Plug in to improve your maths’

‘Plug in to improve your maths’ is die titel van ’n berig gister op News24. Dit vertel oor nuwe navorsing wat bewys dat daar met behulp van wat  transcranial random noise stimulation (TRNS) genoem word, verbetering getoon word t.o.v. mense se basiese wiskunde vaardighede. Ek wonder wat die mensdom nog alles in die toekoms gaan regkry :) Lees meer hieroor …

So gepraat van wat die mensdom als kan regkry. ‘n Hoogtepunt vir my hierdie week was die musiek video wat Commander Hadfield in die Internasionale Ruimtestasie gemaak het. As jy dit nog nie gesien het nie, kliek hier, dit is regtig fassinerend en uitstekend. Ek is seker dat geen tegnologiese vooruitgang plaasvind sonder Wiskundige berekeninge en toepassing nie.

a-CHRIS-HADFIELD-640x468

Follow

Get every new post delivered to your Inbox.

Join 162 other followers