8 Feb
29 Jan
Aandag Gr.12 Wiskunde leerders:
Al die gemeenskaplike Gr12 Wiskunde vraestelle en memo’s sedert 2008 wat ek op die Internet in die hande kon kry, asook die eksamenriglyne is beskikbaar op die volgende skakel:
http://dl.dropbox.com/u/59490498/Gr12%20Wiskunde%20Leerders.zip
Download die .zip file en extract dit op jou rekenaar. Gebruik dit dan om te begin oefen vir die eindeksamen 
Indien jy nie die file kan download nie, kan jy reëlings tref by K.203 om die inligting op ‘n CD te bekom.
Groete.
22 Jan
Baie leerders ervaar ‘n behoefte om meer uitgedaag en gestimuleer te word op akademiese gebied. Wiskunde olimpiades en kompetisies is geleenthede vir sulke leerders. Dit stel leerders bloot aan probleme wat hul denke en probleemoplossings-vaardighede toets en ontwikkel.
Die eerste rondte van die Harmony Suid-Afrikaanse Wiskunde Olimpiade vind op 19 Maart om 14:00 by die skool plaas. Die junior afdeling het aparte vraestelle vir Gr.8 en Gr.9 terwyl die senior afdeling een vraestel vir Gr.10 tot 12 het. Die vraestelle bestaan uit 20 veelvuldige keuse vrae en duur 1 uur.
Inskrywings kan tot en met 1 Februarie by K.203 gedoen word. Die koste beloop R20. Enige een is welkom om deel te neem!
Leerders kan ook vir gratis aanlyn opleiding vir die olimpiade registreer by www.samf.ac.za/SAMO_Training (Die skool se SAWO kode wat benodig word om te registreer kan by K.203 verkry word.)
Wisdom is not a product op schooling but of the lifelong attempt to acquire it. – Albert Einstein
17 Jan
Namens die JF Wiskunde Departement, welkom terug aan al ons leerders, ouers en vriende. Ons sien uit na die nuwe skooljaar en alles wat ons gaan leer en ervaar.
Die matrieks van 2011 het ons sowaar verras met fantastiese uitslae. Een van die merkwaardige prestasies is die R100 000 prysgeld wat die skool gewen het omdat ons een van die top 5 presteerders in Wiskunde in die Vrystaat was. Die JF matrieks het 17 onderskeidings in Wiskunde en 42 in Wiskundige Geletterdheid behaal. Baie geluk aan almal met die mooi uitslae!
Voorspoed aan almal vir die nuwe jaar, in besonder aan die matrieks van 2012.
In sy boek Outliers: The Story of Success, skryf Malcolm Gladwell die volgende:
“Practice isn’t the thing you do once you’re good. It’s the thing you do that makes you good.”
Hou die blog dop vir allerhande JF Wiskunde nuus en inligting.
(Dit sal vir ons heerlik wees as julle gereeld hier op die blog kommentaar lewer en gesprek voer.)
5 Dec
30 Nov
Kopkrapper #1: Watter stelling is waar vir alle waardes van x?
Die antwoord: As x < -5, dan is x² ≥ 25 (die derde opsie) Die diagram hierbo toon die oplossing van x² ≥ 25.
Juf. Heinemann het die volgende nuttige kommentaar op hierdie een gegee:
Dis moeilik vir die graad 9′s om ‘n ongelykheid op te los. Maar hul kan darem waardes vir x instel en sodoende kyk watter stelling(s) is onwaar. Onthou net om minus getalle ook te probeer. Maak byvoorbeeld vir x = -6 en kyk watter stelling is nou waar.
29 Nov
Die top-wiskundeleerlinge van die Vrystaat en Noord-Kaap is Donderdag (24 Nov.) op ‘n spogprysuitdelingsgeleentheid vereer. Die leerders is volgens hulle skool wiskunde punte asook hul prestasies in die drie belangrikste wiskunde kompetisies van die jaar beoordeel. Die drie kompetisies is die Nautilus kampe, AMESA kompetisie en die Harmony Nasionale Wiskunde Olimpiade. JF se wiskunde leerders het die volgende posisies behaal:
Van al die verskillende skole wat by die prysuitdeling verteenwoordig was, het Jim Fouché die meeste leerders gehad. Ons is baie trots op hulle!
22 Nov
20 Nov
Heron van Alexandria
Die tradisionele manier om die oppervlak van ‘n driehoek te bereken is d.m.v. die formule wat aan alle leerders van vroeg in die laerskool bekend is:
Oppervlak van Δ = ½ × basis × loodregte hoogte.
‘n Tweede manier leer ons in Gr.11 in trigonometrie:
Oppervlak van Δ = ½ × sy1 × sy2 × sin(ingeslote hoek). Hier sal ‘n wetenskaplike sakrekenaar natuurlik handig te pas kom.
Heron se formule laat egter enige hoekgrootte buite rekening en kom dus baie handig te pas waar akkurate meetinstrumente vir hoekgroootte nie beskikbaar is nie. Heron se formule stel dit dat in enige driehoek met sylengtes a, b, en c is:
Oppervlakte van Δ = √s(s – a)(s – b)(s – c) met s = (a + b + c)÷2 (s word ook die semi-omtrek genoem)
Heron het ongeveer 100 voor Christus in die stad Alexandria geleef. Hy was ‘n wetenskaplike en het bekend gestaan as mechanikos, oftewel die masjienman, en het vele water- en stoomaangedrewe masjiene ontwerp.
Probeer nou gerus om die oppervlakte van die toegeeteken met behulp van die drie formules hierbo te bereken. Die toegeeteken is ‘n gelyksydige driehoek en ons aanvaar dat die lengte van elke sy 30cm is.
14 Nov
Voorspoed aan Thinus van Rhijn en Jeanné Bester, albei in Gr.9. Hierdie twee syferslimmes is saam met twee ander gr.9′s op pad na Nepal om aan ‘n Internasionale Wiskunde-olimpiade deel te neem. Ons hoop julle kry sommer baie somme reg!
Lees gerus in vandag se JIP-bylaag van die Volksblad ‘n mooi artikel hieroor.
Vroeg volgende jaar sal ons vir Thinus en Jeanné vra om vir ons meer te vertel oor hulle reis en vir die leerders ‘n paar Wiskunde-wenke te gee.
Onlangse Kommentaar